lipu pi jan Sewa | nasin Kolin

o open pali

sina wile kama sona anu seme? pona mute a! ijo nanpa wan li pali e ken pali.

sina ken pali lon ilo lipu ale, taso sina wile kepeken ilo Intellij IDEA. mi la ilo ni li pona mute. ona li pona e lipu sina. sina wile pali kepeken ilo lipu ante la mi ken ala pana sona e kama jo ona lon lipu ni. taso sina ken toki tawa mi lon ilo Siko (@sarah.sahara).

sina wile ala pana mani tawa kulupu SePen, sina ken kepeken ilo pi mani ala. ni la, sina tawa lipu pi kulupu SePen. sina kama jo e kulupu ilo.

kulupu ilo li ike a! mi wile ala e ona!

sina pilin ni la sina ken kin kama jo e ilo kepeken ala kulupu ilo. taso kulupu ilo li pona tan ni: sina wile pona e ilo la sina ken luka e leko lon kulupu ilo. ante la, sina kepeken ala kulupu il la sina wile tawa linluwi tawa kama jo. mi la, kulupu ilo li pona. kulupu ilo musi li sama ala kulupu ilo ni!

sina pana e kulupu ilo tawa ilo sona sina la sina open e ona. kulupu ilo li lukin ni:

kulupu ilo li jo e ilo mute.

mi jo e ilo tu wan, taso ilo li lukin sama.

o tawa anpa o kama jo e ni:

ilo pali kulupu

kama jo li pini la o open e ona. lon lipu lawa la o luka e leko "pona" la o luka e leko "open". ilo li ken toki e ni: "sina wile ala wile kama jo e nasin tan ilo ante?". toki li lon la sina ken toki e pona e ike. mi luka e "kama jo ala" la sina ken lukin e ilo sin.

sitelen "o kama pona!"

sitelen ni li kama la sina ken pali mute. o tawa "lipu sin". o tawa "nasin Kolin".

sitelen ni la sina ken toki e ijo mute. o toki e nimi tawa lipu. nimi ni la sina ken kepeken sitelen pi nimi ala, taso sina wile kepeken ala. kepeken sitelen pi nimi ala (sama !, #, ?, ...) la ijo mute li ken pakala. kepeken sitelen nimi (sama k, o, ...) la sina alasa ala e pakala. :) taso sina ken kepeken sitelen - a!

lon leko "o pali e lipu Ki (toki Inli: Git)" la sina ken luka, taso sina ken luka ala. taso lon leko "ilo pali" la sina wile a luka e ilo Kete (toki Inli: Gradle)! ilo JDK li lon ala lon tenpo ni. ni la, o luka e leko. o luka e leko "o kama jo e ilo JDK". o pali e ni:

luka "o kama jo e ilo JDK"

nanpa lili li ken sama ala, taso nanpa suli o sama (o lili tan) nanpa 21!

sina pali e ni ale la sitelen o lukin sama ni:

open lipu pona

lipu li pini open. o tawa poka (tawa leko Project). o lon e lipu sin lon poki src/main/kotlin. sina ken lon e ona tan ni:

o luka tu e poki kotlin kepeken ilo luka.
o tawa nimi New.
o luka e nimi Kotlin Class/File.
o pana e nimi tawa lipu sin.
o luka e nimi File.
o pini pali.

poki pi lipu sin

tenpo ni la sina jo e lipu sin. lipu li jo ala e toki, taso sina wile toki e ni tawa ona:

lipu li toki e ni: fun main() { println("toki a!") }

lon poka lipu la sina ken luka e ijo laso. ona li open pali e lipu sina. sina ken lukin e toki ni: "toki a!".

ni la, sina open kama sona e nasin Kolin a! sina pona mute a! :D sina ken tawa lipu nasin ijo en poki.