o kama sona e nasin Kolin!
sina wile kama sona e nasin Kolin (toki Inli: Kotlin), taso sina ken toki pona taso. sina ken ala pali kepeken nasin ante.
ni li sina la sina o lukin e lipu ni a!
mi wile toki e ni lon ni:
- nasin Kolin li seme?
- sina o kama sona e nasin Kolin tan seme?
- pali sona mi la seme li lon?
sina lukin e sona ni la sina wile kama sona e nasin Kolin la sina ken open e ni: o open pali
nasin Kolin li seme?
nimi Kolin li tan ma telo Kolin lon ma Losi. kulupu esun SePen (toki Inli: JetBrains) li pali e nasin Kolin, taso jan ale li ken lukin e lipu. ni la, sina wile ala pana e mani tawa kulupu SePen tawa kepeken. pali pona pi nanpa wan li tan tenpo sike 2016.
pali nasin la sona li tan nasin mute tan ni:
- nasin Sawa (toki Inli: Java)
- nasin Sela (toki Inli: Scala)
- nasin Piton (toki Inli: Python)
- nasin SawaSipi (toki Inli: JavaScript)
- ... (ni li nasin pi ale ala)
kulupu SePen li wile e ni tawa nasin Kolin:
- nasin Sawa li ike. nasin Kolin o pona.
- nasin Kolin ken toki...
- tawa lipu Sawa
- tawa lipu SawaSipi
- tawa lipu Si (toki Inli: Swift).
- ken pi nasin Kolin o sama ken pi nasin Sela. taso tenpo pali o lili tawa tenpo pali pi nasin Sela.
- nasin Kolin li ken kepeken kulupu (toki Inli: classes) li ken kin kepeken nasin taso (toki Inli: functional).
sina sona ala e nimi ala la o pilin ike ala. ni ale la nasin Kolin li nasin pona. taso sina pilin ante la, sina ken kama sona e nasin ante lon tenpo lili tan ni: sona nasin li lon!
sina o kama sona e nasin Kolin tan seme?
mi wile pana sona e nasin Kolin tan ni:
- nasin li pona. (seme la sina wile sona la o lukin lon sewi ni lon nasin Kolin li seme?)
- sina ken kepeken nasin Kolin tawa ijo mute.
- sina ken kama sona kepeken tenpo pi suli ala.
- sina ken kama sona e ijo mute tan nasin ni. sona ni la sina ken kepeken lon nasin ante.
- ken pi nasin ni li kama pona tan kulupu SePen tan kulupu ante. ni la sina ken ala pali e ijo lon tenpo ni, la sina ken lon tenpo kama.
- ken ni li suli a! ni la, sina alasa e ken ala la lon li lili.
pali sona mi la seme li lon?
mi wile toki e ijo suli tan nasin Kolin tawa sina. taso pana sona taso la sina ken pilin ike. ni la, mi en sina li pali e musi e lipu pona tan ni: sina pilin pona tan kama sona!
musi en lipu pona...
- ... li o weka e ilo pakala (toki Inli: Minesweeper)
- ... li ilo lipu. ilo li ante e lipu tawa ni: sina ken lukin e lipu kepeken ilo linluwi.
- ... li ijo ante mute!
sina wile kama sona la o open lon o open pali!